6 Api 2022 Polaris Eskola 1 Comment

Ez duzu aparteko planik datorren Aste Santurako?

Aukera bakanen artean ez zaitu ezerk erakartzen?

Polaris Nautika Eskolatik bestelako aukera bat eskaini nahi dizugu: handitu Aisiako Ontziko Patroi (AOP) tituluaren eskuduntzak gure SUPERAOP praktikekin.

Datorren Aste Santurako plan ezin hobea da, ezingo diozu ezetz esan.

Zer da AOP titulua handitzea?

Tituluaren eskuduntzak handituta, 24 metrorainoko luzera duten ontziak gobernatu ahal izango dituzu, eta penintsulatik Balearretara joan eta alderantzizko bidea egin. Eskuduntza horiek agian ez dira oso erabilgarriak gure kostaldean, baina bestelako esperientzia bat izango da, ontzi barruko bizimoduaren antolaketa ezagutu eta 24 nabigazio-ordu ahaztezinez gozatzeko aukera.

Polaris Bat ontzian gurekin batera 24 orduko bizipena partekatu nahi duten 6 eskifaia-kide ontziratu nahi ditugu.

Hauxe da plana:

Apirilaren 14an, ostegunez, 17:00etan irtengo gara Getxoko kirol-portutik, guardiak antolatu eta itsasontzia prestatu ondoren. Bilboko Abra zeharkatuko dugu ilunabarra Galea lurmuturretik ikusteko, eta iluntzeari begira afalduko dugu. Gaua igarota, zortedunek eta lotiak ez direnek egunsentia ikusteko aukera izango dute.Gosaria ontzian bertan prestatuko dugu, eta zorte pixka batekin zetazeoren bat ikusiko dugu. Eguerdia pasata, bazkari arina zerbitzatuko dugu eta, poliki-poliki, porturatzeko prestatuko gara. Apirilaren 15an, ostiralez, 17:00ak aldera iritsiko gara.

Nahi al duzu gurekin itsasoratu? 

24 ordu zirraragarri horietan, itsas nabigazioarekin eta ontzi barruko bizimoduarekin lotutako jarduerak egingo ditugu, honako hauek, adibidez:

• Itsasbidea prestatzea eta ontzia uzteko ariketa.
• Nabigazio-mapak ulertzea, itsasbideak eta nabigatzaileei egindako abisuak aztertzea eta abar.
• Ontzi guztietan nahitaez eduki beharreko dokumentazioa aztertuko dugu eta segurtasunaren inguruko gaiez hitz egingo dugu: salbamendu-txalupa, horren mantenua eta azterketak.
• Guardia-txandak antolatuko ditugu eta ontzia uzteko simulazioa egingo dugu.
• Ontziaren puntu kritikoak eta segurtasun-elementuak check-list bidez gainbegiratuko ditugu; erregai-mailak, bateriak eta ontziaren egoera orokorra aztertuko dugu: argiak, irteera–jakinarazpena, ETA, aurreikusitako itsasbidea. Bestelako gai batzuk ere hartuko ditugu kontuan, hala nola eskifaiaren arabera ontzian eduki beharreko ur- eta elikagai-kantitateak.
• Nabigazio-guardia eraginkor jarraitua, guardia antolatzea. Guardia eman eta jasotzea. Gaueko guardian kontuan hartu beharreko neurriak, nabigazio-argiak.
• Faroen azterketa eta funtzioak.
• Eguraldi-iragarpenak. Hodeiak eta haizearen norabidea kontrolatzea. Itsasoaren egoera kontrolatzea.Hondoko itsasoa.

Oharra:

Titulazioa lortzeko, nahitaezkoa da Aisiako Ontziko Patroi titulua edukitzea. SuperAOP gaikuntza 24 orduko nabigazio jarraitua da, funtsean.