Enpresa gazte bat, handiko esperientzia
Gure jarduerak
Dagoeneko askok ezagutzen gaituzue. POLARIS NAUTIKA ESKOLA familia-enpresa bat da, nahiko gaztea, baina kirol-nautikan oso errotua. Enpresa ¾akademia nautiko bat da batik bat¾ 2016an sortu zen, baina esperientzia handia du sektore nautikoan; izan ere, 1986tik dihardugu kirol-nautikako prestakuntzan, Mediterraneoko eta Kantauriko hainbat zentrotan. 2016ko irailean egindako lehen promozio hartatik urte batzuk igaro dira dagoeneko. Pixka bat hazi gara ordudanik, baina gertuko tratu xume berbera mantentzen dugu gure ikasle guztiekin.
Kirol-arloko akademia nautiko gisa gauzatzen dugun jardueraz gain (nabigatzeko behar diren titulu guztiak eskuratu ahal izango dituzu), hainbat esperientziaz eta txangoz gozatzeko aukera ere eskaintzen dizugu gure ontziekin: Polaris Bat eta Polaris Bi.
Esperientzia eta txango horien baitan, ez ditugu gure patroiak ahaztu nahi, beti aurkitzen baitugu zuentzako jarduera baliagarriren bat, ikasten jarrai dezazuen. Titulu nautikoa eskuratzen duzuenean, modu praktikoan eta gure uretan nabigatuz gozatu ahal izango duzue.
Laster, gure zerbitzuak areagotuko ditugu, batez ere gure ikasleei begira, eta gestoria nautikoko zerbitzua eskainiko dugu. Osagarri ezin hobea da, edozein patroi-titulu lortu ondoren, aurrerapauso bat eman eta armadore eta ontzi-jabe bihurtzea erabakitzen duten ikasle guztientzat. Administrazioarekin egin behar dituzuen izapideak erraztea da gure asmoa, eta horiek eragin ditzaketen konplikazioak eta buruhausteak saihestea.
Gure tripulazioa
Hector dugu eskolako buru. Merkataritzako ontzidiko pilotua da eta, gaur egun, Ingeniaritza Nautikoan doktoretza prestatzen ari da Euskal Herriko Unibertsitatean. Hector patroi gisa aritzen da ikastaroetako eskola praktikoetan eta gure itsasontzietan eskaintzen ditugun esperientzia eta txangoetan.
Nekane armadorea da, eta bera arduratzen da itsasontziak beti nabigatzera irteteko prest eta baldintzarik onenetan egoteaz. Gainera, marketinaren eta publizitatearen esparruaz arduratzen da, sare sozial nagusietan ikusi eta jarraitu gaitzazuen.
Eta, duela gutxitik, itsasneska bat dugu gure tripulazioan. Ariane aurten hasi da Nautika eta Itsas Garraioko Gradua ikasten, Bilboko Ingeniaritza Eskolak Portugaleten duen egoitzan. Ariane aisialdirako ontzien patroia da dagoeneko. Momentuz administrazio-lanak bakarrik egiten ditu, baina bere ikasketak amaitzea espero dugu, eta, beharbada, egunen batean gure flotaren agintea hartzera etortzea.
Gure talde
Getxo Kaia
VISA
