Ezagutu Bilbo eta Guggenheim Museoa beste ikuspuntu batetik

Gaur beste ibilbide bat eskaini nahi dizuegu Polaris Nautika Eskolan: Bilboko Guggenheim Museorainoko ibilbidea Polaris Bin, gure bigarren ontzian.

Bilboko Guggenheim Museoa arte garaikidearen museoa da, Frank O. Gehry arkitekto kanadiarrak diseinatu zuena eta 1987ko urriaren 18an inauguratu zena.

Gertaera horrek eragin zuen Bilbo hiriak 180 graduko aldaketa izatea alderdi guztietan. Hala, hiri industrial izatetik hiri kulturalagoa izatera pasa zen.
Hain zuzen, museoak Nerbioi ibaiaren ertzean porturatutako itsasontzi bat ordezkatzen du, sasoi bateko portua gogorarazteko.

Itsasontziko ibilbide honekin Guggenheim Museoaz eta, oro har, Bilboz goza dezazuen nahi dugu Polaris Nautika Eskolan.

Ibilbidea

Itsasontziko gure ibilbidea Getxoko Kirol Portuan hasiko da. Bertan atrakatuta dago gure Polaris Bi ontzia.

2 ordu inguru irauten duen ibilbide honetan nahikoa denbora izango duzue Bilbo Handia beste ikuspuntu batetik ezagutzeko.

Getxotik barneko Abra zeharkatuko dugu, eta ondoren itsasadarrera joko dugu. Gure bidean, lehenik eta behin Bizkaia Zubia ikusiko dugu, eta horren ostean ibaiaren alde bietako iragan industrialean barneratuko gara.

Bilbora iristean Zorrotzaurreko uhartea ikusiko dugu baborrean, Kantauri Itsasoko Manhattan izenez bataiatu dutena, eta Norvegiako pasealekuak estriborrean. Aurrerago San Mames berri ikusgarriarekin egingo dugu topo.

Euskalduna eta Deustuko zubien azpitik igaroko gara eta gure helmugara iritsiko gara: Guggenheim Museoa. Puntu horretan abiadura murriztuko dugu, bere handitasuna begiztatu ahal izan dezazuen. Hori bai, ez ahaztu zuen argazki kamera edo mugikorra, aparteko kokapen horretatik argazkia atera ahal izateko.

Museotik pasatu ostean, buelta emango dugu itzulerako bidea egiteko. Dena den, Bilboko El Cargaderon geldialdi teknikoa egingo dugu, Bilboko itsasadarraren gaineko modako terraza baita. Hori guztia, baldin eta mugikortasun murrizketek ahalbidetzen badute. Ezin bada, mokadutxo bat eskainiko dugu ontzian bertan.

Hurrengo irteerak eta prezioak. Irteera bakoitzeko 8 plaza bakarrik. Erreserbatu zurea hemen

Lagunduko al diguzu?