Getxoko kostako jarduerak

Aurten oporrak ezberdinak izango dira Covid -19aren ondorioz. Beraz, agian gure aisialdiaz eta oporraldiaz modu alternatibo batean gozatu beharko dugu.

Zalantzarik gabe, krisi garai honetan, itsas turismoa 2020ko uda honetako jarduerarik seguruenetako bat da.

Polaris Nautika Eskolatik ideia batzuk eman nahi dizkizuegu udaberri-uda honetaz gozatzeko.

Hainbat esperientzia ditugu nabigazioaz gozatu ahal izateko, eta jarraian azalduko dizkizuegu.

Alde batetik, ontzia osorik erreserbatzeko aukera duzue, edozein ospakizun motatarako: urtebetetze bat, urteurren bat, despedida bat… Hori bai, kontuan hartu beharko dugu “deseskaladaren” zein fasetan gauden itsasontziaren edukiera zehazteko, bai eta bidezko tripulatzaileak jartzeko ere.

Itsasontzi osoaren erreserban,  jardueraren ibilbidea eta iraupena daukazuen denboraren araberakoa izango da. Horrela, hainbat esperientzia egin ahal izango ditugu: itsasontzia 2,5 ordutarako erreserbatuz gero Bilboko Abra deskubritu ahal izango dugu, edo Bizkaia Zubiaren azpitik igaro; 4 orduz, Bilboko itsasadarra Itsas Museoraino ezagutzeko edo itsaso zabalera iristeko denbora nahikoarekin, edo egun osoz (8 ordu), Gorlizera iritsi eta bertan bainua har dezakezue.

Gure info@polariseskola.eus helbide elektronikoaren bidez edo 619115225 telefonoan (WhatsApp) gurekin harremanetan jarri eta zuen plana kontatu besterik ez duzue egin beharko, eta bion artean planifikatuko dugu egun berezi hori.

Beste alde batetik, Getxo Kostako jarduerak ditugu. Aukera ona da nabigazioaren mundura hurbildu nahi dutenentzat, lehen harreman bat izan nahi dutenentzat eta, agian, bokazio berri bat aurkitzeko.

Esperientzia horiek oso prezio doitua eta egokia dute. Ez da beharrezkoa aldez aurretik erreserba egitea, baina beti hobe da erreserba egitea plaza ziurtatzeko. Baina Getxoko kirol-portuko Kapitaintzan aurkez zaitezke erreserba egin gabe.

Gure ontziak, Polaris Bat ontziak, 11 plaza ditu, baina abagune honetan kontuan hartu beharko da zein fasetan gauden “deseskaladan”, ontziak une bakoitzean duen edukiera jakiteko.

Nagusiki 3 aukera ditugu, baina beste batzuk ere badaude:

Ibilbidea belaontzian

2,5 orduko esperientzia da, eta jende berria ezagutu ahal izango duzu, edo zure familiarekin eta lagunekin ontziratu. Nahikoa denbora izango dugu Bilboko Abra ezagutzeko, ezagutzen ez baduzu, eta Getxoko kostaldea itsasotik ikusteko.

Prezioa: 45 € pertsonako

Belaontzi batetik eguzkia sartzen ikustea

Oraingo honetan, 20:00ak aldera irtengo gara eta 2,5 orduko nabigazioa egingo dugu.

Abrarantz nabigatuko dugu, ilunabarra ikusteko egoera pribilegiatua aurkitu arte.

Zalantzarik gabe, esperientzia honek ez zaitu hotz utziko.

Prezioa: 49 € pertsonako

Itsaslabarrak inguratzen

Esperientzia honek 4 orduko iraupena du, 10:00etatik 14: 00etara.

Denbora horretan Getxoko kostaldea itsasotik ikusi ahal izango dugu, belaz nabigatuz, edo, nahiago baduzu, Bilboko itsasadarra zeharkatu ahal izango dugu.

Prezioa: 60 € pertsonako

Informazio gehiago Getxo Turismon aurki dezakezu.

Ez izan zalantzarik gure egutegia kontsultatzeko eta erreserbatzeko.

Laster ikusiko zaitugu! Ederki pasatuko duzue!